Northern Provincial Hospital outreach team i assistim Maewo Health servis blong providem health servis i go long olgeta evacuees blong Ambae mo population blong Maewo long wik ya.
Dr Basil Leodoro olsem senior consultant General surgeon long Northern Provincial hospital i talem long VBTC News se team ya bae i go long Not kasem saot Maewo.
Mo tu visitim Naviso vilij long east coast blong aelan ya.
Hemi talem se tim lida hemi Dr Lawrence Boe we hemi acting medical servis manager.
Northern Provincial team ya bae i providem ol servis long saed blong dental o healthy tooth, sorae, eye, nose, throat mo ol nara medical servis olsem ol pablik health awareness, conductem ol research long saed blong blood disorder o problem wetem blood.