Namba 22th EDITION blong FEST NAPUAN bae i tekem ples start long tedei, wednesdei 24th oktoba kasem satede 27th oktoba long Port Vila.
Hemi wan Free Public Concert we i stap tekem ples evri yia long Port Vila, mo bae i tekem ples long Saralana Park.
Vanuatu Broadcasting mo Television Corporation VBTC hemi stap olsem main Broadcaster blong FEST NAPUAN 2018, mo bae hem laef tru long TBV, Radio Vanuatu, Paradise FM, mo VBTC facebook page.
Fest Nalenga bambae i stap long tedei, Wednesdei 24 Oktoba, mo folem wetem Fest Napuan long namba 25 kasem 27 Oktoba.
Theme blong musik festival ia hemi, Protektem Environment blong yu.
Long taem blong FEST NAPUAN blong last yia 2017, Festival i atraktem ova long 5-tausen pipol long wan day.
FEST NAPUAN Komiti mo FEST NAPUAN Association oli rejisterem olsem wan non profit organization, mo i kat plante volunteer we oli sapotem development blong ol musician long kantri.
FEST NAPUAN, hemi wan Event blong enkarejem ol International Artist blong perform tugeta wetem ol local Ni Vanuatu Artist mo semtaem alowem ol kaljorol mo musical exchange, mo tu inkrisim opotuniti blong exposem ol local ARTIST blong Vanuatu.