Wan eakraft blong Air Taxi i mekem wan landing krash long Dillonsbay eapot long aelan blong Erromango yestedei aftenun.
Aelanda eakraft ia i aot long Tanna mo i stap long rod blong hem blong ko long Port Vila be i kat problem long enjin i mekem se i daevet rod blong hem i ko long Erronmango.
Polis long Port Vila i ripotem se i kat 5 pasenja evriwan inkludum paelot mo evriwan i sef nomata long krash ia.
Polis i talem se i kat wan pasenja nomo i injud mo twin otta eakraft i pikimap olketa i kam long Port Vila long yestedei safa.
Vanuatu Polis Fos i apil strong i ko long ol jif mo ol nara komuniti lida blong aelan blong Erromango mo ol memba blong komuniti, blong no ko klosap long plen ia.
Polis i talem se ol pipol responsibol bae oli flae-in i ko long Dillonsbay long tedei Wednisde blong jekem mo mekem ripot blong plen ia, mo polis i askem ol pipol blong wok tuketa blong mekem se i nokat eni pipol i ko klosap long plen ia.