Investigation i stap ko hed iet long ol allegation we i stap agensem Police Commissioner, Albert Nalpini we i stap long saspensen naoia.
Minista blong Internal afea we i lukaotem ol polis long Vanuatu, Andrew Napuat i confemem long VBTC nius long wan press conference long wik ia, se polis seves commission nao i stap mekem investigation long mata ia.
Hemi talem se hem olsem Minista responsible long polis bai i no save toktok moa long isu ia, from i stap long investigation naoia.
Saspensen leta blong polis komisina, Hed blong Steit nau ibin sainem, mo hemi gazette long 25 september 2018.