Kavman blong Vanuatu thru long Depatmen blong Immigration i stap wok wetem ol area councils blong save processem ol application blong passport, blong ol pipol we i stap long ples blong olketa.
Minista blong Internal affairs we i responsible long Immigration, Andrew Napuat i talem long wan press konferens long wik ia, se hemia hemi blong helpem ol pipol blong katem daon cost blong pem transport blong travel blong kam long Vila o Santo blong processem wan passport.
Mr Napuat i talem se wan man we i stap long island mo wandem processem passport application blong hem wetem ol area kounsel secretary, bai oli pem wan amount blong 10,000 vatu.
Hemi talem se hemia hemi cheap yet compare long taem wan man or woman i travel i kam long Vila or Santo blong mekem wan passport.
Mr Napuat talem se 10,000 vatu we Ministri blong Internal Affairs i putum, hemi covermap everi fee we yu nid blong pem long taem blong processem wan passport.
Minista blong Internal Affair i talem se normal fee blong processem passport long Vila mo Santo hemi 7000VT be 10,000vt fee ia, i apply nomo long ol pipol we oli stap long island mo wandem mekem passport blong olgeta long area council.