Kavman blong Vanuatu i awardem two international drone companies, swoop Aero mo Wingcopter wetem commercial contracts blong mekem trial long drones long kantri.
Stampa tingting behaen long use blong drones ia hemi blong tekem life saving vaccines i ko long ol pikinini we oli live long remote rural areas.
Ministri blong Helt tugeta wetem Ministri blong pablik woks thru long civil aviation authority nao i kam ap wetem initiative ia.
Long toktok blong hem, Director General blong Ministri blong Helt, George Taleo i talem se hemi wan challenge blong kasem ol remote areas wetem ol helt facilities.
Mo blong kasem ol remote areas olsem, hemi nid blong lukluk long ol narafala innovative ways olsem use blong drones.
Fes phase blong drones trial bai i stap long fes wik blong December hemia long namba 3 kasem long namba 7.
Wan representative blong UNICEF long pasifik, Sheldon Yett i talem se UNICEF i hapi blong patna wetem Vanuatu kavman long wan innovative initiative olsem we bai i help blong deliverem reliable supply blong vaccines i ko long ol pikinini long ol remote communities.
I bin gat wan total blong 20 bids we i kam long ol difren drones companies long pasifik region mo ol nara countries araon long wol mo aot long hemia, kavman i awardem swoop Aero long Melbourne, Australia mo Wingcopter Holding long Germany.
Swoop Aero bai i coverem helt facilities long Epi, shepherds island mo Erromango wetem ol vaccine delivery.
Wingcopter Holding bai deliverem vaccines long Pentecost.
Long fes trial long December, drones bai i tak off long olfala airstrip long Takara long Not Efate mo bai i fly over long ol offshore islands blong Emao, pele mo Nguna mo bai i dropem wan package long siviri football field mo bai i return i kam bak long Takara.
Australian kavman thru long innovation xchange accelerator fund tugeta wtem UNICEF nao i kivim technical sapot mo i fundem.