Minista blong Edukesen, Jean Pierre NIRUA i saenem Wan Memorundum blong Understanding-MOU yestede wetem Bishop John Bosco BAREMES, we i blong Transferem Management blong Anambourou Skul i ko long Katolik Mission.

Hemi wan Agrimen we i bin hapen bifo, wetem ol Skul blong Presbyterian Jioj mo ol skul blong Anglican Church.

Presbyterian i ranem 8 skul, Anglican i ranem 12 skul mo Catholic Mission i karem 1 skul we Anambrou skul sins yestede aftenun.

Saening i hapen long presens blong 5 Bishop evriwan, Bishop John Bosco BAREMES blong Vanautu, Archbishop Michel CALVET blong Niu Kaledonia, Bishop Ghislain de RASILLY blong Wallis mo FUTUNA, Archbishop Jean Pierre COTTANCEAU blong PAPEETE blong TAHITI mo Bishop Pascal CHANG-SOI, Bishop blong Marquise Aealan.

Bishop Michel CALVET i mekem save se Catholic Education Authority i stap givim Education service i ko long evri denomination, be i no Catholic nomo.

Bishop John Bosco BAREMES i talem bigfala thankiu long Ministri blong Edukesen mo semtaem talem se la DEC I glad blong work oltaem wetem ol Authority blong Education blong Gavman from hemi vocation blong la DEC.

Minista NIRUA Management blong Anambrou skul i change be ol piknini we oli skul naoia long Anambrou oli gohed nomo long ol normal class mo level we oli stap long hem.

Minista NIRUA I talemaot bakeken se I no from se hemi folem Catholic faith, blong hemi favourem Transfer ia.

Minista NIRUA I talem se Transfer blong Management blong Anambrou skul oli bin discussem longtaem bifo hemi kam Minista blong Edukesen. Anabrou hemi no uniqu, from I kat plante skul finis we Ministry blong Education I disaed blong transferem management blong olgeta I ko long ol nara Education Auhtority.