FIFA kaonsel i mekem ol ki disison long fiuja blong futbol divelopmen long las wik.
Ol ki disison ia hemi blong task fos i karem aot konsalteson proses long leftemap ol klab wol kap mo lik blong ol kantri raon long wol.
Nara disison, hemi blong lefetemap praes mani blong FIFA Woman wol kap mo FIFA i bin apruvum finis.
Nara ki disison, hemi blong FIFA i fowodem ol adopt nius reguleson, wetem moa investmen mo strik oditing mo ripoting.
Namba 8 miting blong FIFA ia i bin sidaon long Kigali, Rwanda mo ol memba blong FIFA i diskasem ol ki disison ia.
Ripot i talem se blong mekem se oli kohed blong strentenem konsalteson proses konsenem ol posibiliti blong establisim ovahol FIFA klab wol kap.
Taskfos ia bae i operet anda long darekson blong blong biuro blong kaonsel we i tekem tuketa Presiden blong FIFA mo ol presiden blong ol Federeson, mo bambae oli presentem proposol blong hem long nekis FIFA kaonsel miting we bae i tekem ples long namba 14 mo 15 March 2019.