Area blong finance, or mane, hemi wan bigfala jalens we Ministry blong Helt i stap facem blong karemaot helt service long kantry.
Minister blong helt, Jack Noris Kalmet i talem se kasem tete, ministry i no bin gat inaf wokman mo plante staf oli stap finis long wok from oli retire.
Number blong ol wokman kasem long yia ia 2018, hemi over long 900, mo Ministri i talem se number ia bae i save ko antap long fiuja blong mitim ol jalens we ministri i stap fesem.
Minister Kalmet i talem se, wokfos development plan we minstri i lonjem long las wik, bae i help bigwan blong addresem isu blong ol wokman blong ministri.
Mo sametime bae i help blong mitim ekspetesen blong helt kea we i kam long ol provins.
Minister Noris Kalmet i talem se blong achivim hemia, ministry i mas gat strong mo klia fokas, mo lukluk blong developem wan effective wokfos , mo luk se i kat ol kwalified staff, folem nid we i stap long helt sekta.