Ol manples oli no mas pleple wetem kava olsem grin Gold blong Vanuatu.

Panel diskason long taem blong Kava forom, long las wik, i harem se i kat ol manples i givim han blong kava i ko long Solomon aelans blong planem.

Lokol saentis blong Vanuatu long saed blong Kava, Dr Vincent Lebot, i talem se pipol blong Vanuatu i mas lukaotem gud kava from i kontribiut bikwan long ekonomi blong Vanuatu tedei.

Mr Lebot i givim woning se vanuatu i mas keaful long praes blong kava we i hae tumas tedei, mo sapos praes blong kava i hae bitim alkohol, bambae i fosem ol pipol blong pem ol spirits we bae i kosem sosol problem long kantri.