Ol opening match blong 2018-2019 Championship i tekem ples long Sarere las wiken mo i lukim BSP Amicale, Ifira Black Bird mo Tafea FC i kleimem fes win.
Fes maj blong las wiken i lukim BSP Amicale hemi pleiem Shepherds United mo hemi win long 4 goals to 1.
Viktri blong BSP Amicale, oli kontiniu long ‘winning streak’ blong olgeta sins Opening Knockout.
Ifira Black Bird i kam blong winim olgeta niufala kama insaed long premia divisen, Yatel FC long wan sko blong 2-0.
Las maj blong dei, Tafea hemi kam blong winim Galaxy long wan sko blong 3-2.
Long Fraede ia namba 2 Novemba bambae Galaxy bambae hemi pleim BSP Amicale long 3pm.
Long Sarere 11am, Tupuji Imere vs Yatel, 1pm, Tafea i plei Ifira mo long 3pm Erakor i mitim Shepherds United.