Vanuatu bambae i hostem tri intanasonal futbol frenli match long Port Vila long nekis manis.
Vanuatu Football Federation i konfemem 3 frenli ia mo hemi explenem se Vanuatu sinia man tim vae i pleim two akensem New Caledonia long namba 14 mo 17 Novemba 2018.
Nara frenli bambae Papua New Guinea woman tim i stap long Port Vila long namba 13 Novemba blong plei akensem Vanuatu woman sinia tim.
Hemia i part long preparesen blong PNG blong go long Oceania Women's Championship long New Caledonia.
VFF i anaonsem wan skwad blong 28 pleia finis long wik ia mo long semtaem hemi instraktem ol lokol pleia we i plei ovasi blong mas part long tufala intananasonal test match ia.
Vanuatu Football Federation i apointem koj blong Amicale FC, Robert Yalou blong lidim sinia man tim mo George Kalo bae i lukaotem tim blong ol woman.
Fes miting blong 28 pleia mo kojing tim ia bambae i tekples long Amicale fil long 3 oklok tede aftanun mo i impoten blong ol pleia i atendem.