Foma President blong Malvatumauri, Jif Senimau Tirsupe i askem long niufala President, Jif Willie Palsua blong hemi stanap strong long ol wok we bai hemi mekem.
Jif Tirsupe i brifem niu elected kounsel blong Malvatumauri long ol challenges we ol jif oli stap fesem, mo askem olgeta blong stanap strong folem fasin blong kastom governance.
Hemi talem se ples we niufala council blong ol jif ia i stanap long hem, hemi recognize olsem ol kastom jifs blong Vanuatu, from long japta 5 blong constitution i tokabaut role mo rait blong ol jifs.
Foma President ia i mekem kol tu i ko long ol niufala member ia blong perfomem ol wok we constitution i talem, mo i kat bik reponsibiliti we kounsel bae i tekem.
Long ansa blong hem, niu President blong Malvatumauri, Willy Plasua, i assurum former President se bae hemi ko hed wetem ol wok we i stap insaet long kansel.
Jif Plasua i asurem ol pipol blong Vanuatu se hemi se hemi redi blong tekemap liadship role ia, mo drivem kenu ia i go long future.