Hed blong Steit blong Monaco, Prince Albert 2  bae i mekem wan official visit i kam long Vanuatu long wik ia.
Prince Albert 2 mo delekesen blong hem bae i kasem Port Vila long tumoro morning, long 7 oklok, mo leko kantri long Thasdei morning.
Foren Affairs Dipatmen i ripotem se Akting Minista blong Foren Afea, Alfred Maoh bae i welkamem Prince Albert mo delekesen blong hem, bifo hemi inspektem wan blong kard of hona we bae i kam long ol memba blong Vanuatu Mobile Fos.
Long tumoro morning long haf past 10, Prince Albert 2 bae i mekem wan steit kotesi visit long Hed blong Steit, Pastor Obed Moses Tallis, bifo hemi mitim Akting Praem Minista, Bob Loughman long ofis blong Praem Minista.
Mo long taem ia bae oli sainem Coral Reef Life Declaration.
Long tumoro, bae hemi mekem wan visit tu iko long Nasonal Museum.
Prince Albert 2 mo delekesen blong hem, bae i kam long official plen blong Monaco.