I kat 12 ni-Vanuatu i kasem ol sertificate blong New Zealand, from wan universiti level kos we oli tekem pat long hem long Port Vila.

Kos ia, Statistics New Zealand nau i ranem.

Kos ia we oli singoutem, Certificate in Official Statistics, hemi kivim save long olketa we oli stap deal wetem statistics, olsem ol planna, policy maker, mo ol maneja, ol wei blong save usum data mo mekem ol stret disisen.

Ol sertificate ia, Hai Komisina blong New Zealand long Vanuatu, Jonathon Schwass i presentem long wan seremoni long wik ia.

Mane blong kos ia i kam anda long New Zealand Aid Program, mo tufala we i ranem kos hemi, Andrew Tideswell we hemi Manager blong Statistical Education blong Statistics New Zealand, mo Dokta Rosemary Goodyear, we hemi Senior Researcher.