Long West Papua, afta long eleksen blong niu lida blong West Papua Nasonal Comitee, KNPB, i kat kol blong kat wan general strike blong ol woka blong Papua.

KNPB, grup we i sapotem independence struggle blong West Papua, i jes finisim nambatu kongress blong hem long Jayapura, we fulap pipol blong West Papua i tekem part long hem.

Kongress ibin tekem ples long wan area long Waena, even we ibin kat presa i kam long polis blong traem blong stopem kongress ia.

Eleksen blong executive blong KNPB i tekem ples, mo man we oli elektem hem blong hedem komiti ia hemi, Agus Kossay, mo hemi tekem ples blong Victor Yeimo.

International spokesman blong KNPB, Mr Victor, i talem se hemi taem naoia blong olketa blong West Papua oli tekem ol sivil aksen blong presem demand blong olketa long self determination process.

Mr Yeimo i talem se bae oli jes announsem deit blong strike ia, taem infomesen blong sivil aksen ia iko raun ful area blong West Papua.