Use blong drugs hemi bisnis blong yumi everyone be i no blong police nomo.

Hemi toktok blong Inspekta Moris Seule, officer incharge long Drugs Unit long Vila Police Station.

Inspekta Seule i talem se, blong mekem se kantry i safe oltaem, i nidim cooperation blong ol lida blong church, community mo Kavman blong wok tugeta blong addresem issue ia.

Inspector Seule i remindem ol member blong public se, anda long loa blong dengerous drugs, fasin blong planem mo usum Marijuana i no allow long kantry.

Hemi askem ol memba blong public blong wok tugeta wetem polis, mo ripotem any illegal fasin blong planem mo usum mariwana, we i stap tekem ples long ol diffrent community.