Department blong livestok i redy blong rolemaot, nambatu phase blong cattle restocking program blong hem long next yia.

Cattle restoking program hemi wan initiative or way we Kavman blong Vanuatu hemi inisiatem long yia 2015 after we price blong buluk hemi trop bigwan mo affectem Price mo production blong meat long maket.

Wan long ol main objective blong program ia hemi blong encouragem ol farmer blong lukluk more long supply blong protein or meat we ol manples i nidim.

Long nambatu phase blong project ia, kavman hemi thinkthink blong givimaot free buluk i go long ol farmer folem 3 main criteria we wan wan farmer i mas mitim.

Media officer blong Livestok department, Alain Simeon i ripotem se ol farmer i mas ready blong tekem part long roll out blong phase 2 blong project.

Long fes phase blong project, kavman hemi subsitaem cost we i minim se farmer i pem half price mo kavman i complitim.

Be long nambatu phase, Kavman tru long department blong Livestock, bae hemi introdusum wan new direction blong ol farmer i folem.

While farmer bae i ricivim free buluk wetem no cost , i gat some condition blong farmer i mas mitim.

Long fes roll out blong program ia, kavman blong Vanuatu i comitim hem full wan blong mitim ol cost, be long nambatu phase ia, mane blong hem bae i kam long program blong European Development Fund 11, we i focus moa long saed blong production blong buluk, coconut mo vegetable long kantry.