Vanuatu Beach Volleyball i talem se tufala Under 16 kel blong Vanuatu, we i winim final blong Total Sport Girl Challenge kompetisen long Bourail long New Caledonia, ibin tren hard blong save ko kasem steij ia.

Tufala ia i kat Justina Garae mo Chantale Leow, we tufala i skul long Ecole Public long Port Vila, mo tufala ibin winim tim blong Lifou long 2 sets to zero.

Wan spokesman blong Vanuatu Beach volleyball i talem se tufala ibin perform gud long sam nara tunamen, we i mekem se tufala ibin impruv long plei blong tufala, mo kasem final mo winim.

Tufala ia i kat konfidens naoia blong save plei long ovasi, mo bae tufala iko hed wetem trening blong tufala long Port Vila, blong priperem tufala from ol future tunamen.