Council blong ol Minista i apruvem tu long ol decision blong hem long last wik, blong edorsem WASH recovery plan blong Not Pentecost.

Not Pentecost hemi wan ples we i nokat wan gudfala access long wota, be last COM miting i apruvem 11 million, 689 thousand vatu we bai i kam aot long Emergency fund blong help endorsem wan gudfala plan blong wota supply.

Ol development ia i folem tu relocation plan blong Penama provincial kavman we i setup long Loltong area, hemia long Not Pentecost.

COM i kam ap tu wetem wan decision we OGCIO bai i help blong impruvem communication seves tu long area ia we provins bai i relocate long hem.