Gavman blong Vanuatu i strentenem loa blong mani we i stap pas tru long Vanuatu olsem wan transit tuwod nara pepes tru long Bill blong Mutuol Fan amendmen Akt namba blong 2018 we Palemen i toktok long hem tedei moning.

Loa ia hemi blong strentenem mo givim paowa long Vanuatu Faenansol Sevises Komison blong karem infomeson abaot ol investa we oli invest long kantri mo rejista long Vanuatu Faenansol Sevises Komison.

Amenmen long loa ia i hapen from i nokat provison blong kriminolaesem feila blong infomem Faenansol Sevis Komison long eni jenis long jenerol patna.

Loa we i stap tedei i no kat provison we i provaedem ol nara sanction apat long kriminol prosekuson.

Pepes blong Mutual Funds amendment bill hemi blong adresem ol luphol mo blong mekem se Vanuatu Faenansol Sevis Komison i monitarem mo supavaesem gud mutuol fan.

Mutual fan ia, ol sitisen mo olketa we oli no ol sitisen oli save krietem insaed long VFSC be ol risk blong mani londring, faenansing terorisim mo faenansol los from aktiviti blong frod i ko andap bikwan tedei.

Wetem loa ia, Vanuatu Faenansol Sevis Komison bae i kat gud kontrol mo monintaring blong ol mani we i pas tru long kantri.