Tri Vanuatu nasonal kriket tim i pem wan spesel visit i go long Azure Pure Water kampani long Port Vila las wik.
Ofis blong kriket i ripotem se pepos blong visit ia i blong lukim olsem wanem kampani i stap operet mo saplaem botel wota insaed mo aotsaed long kantri.
Long semtaem visit ia i blong mekem ol nasonal pleia i andestanem impotens blong patnasip we Vanuatu Cricket Association i gat wetem Azure Pure Water.
Hemi wan taem tu we oli kivim opotunity long ol pleia blong askem kwesten abaot operesen blong kampani.
VCA i hapi blong patna wetem Azure Pure Water mo hemi talem tankio long hem blong luk save impotens blong spot mo tu spot i save jenisim laef i kam gud we hemi stret samting we kriket i stap mekem.