Minista blong Foren Afea, Ralph Regenvanu i talem se kavman mo pipol blong Vanuatu i sherem sori wetem famili blong Late Dokta Bonita Mabo, wetem ol pipol blong Australia, espseli ol Aboriginal mo South Sea island komuniti, long lus blong bik woman ia.
Leit Bonita Mabo i wan descendant blong ol wokman blong Vanuatu we oli bin ko wok long sugarcane plantation long Australia, long 1800, mo hemi kam wan Prominent Indigenous mo South Sea Islander activist.
Papa blong hem i kamaut long aelan blong Tanna.
Minista Regenvanu i talem se Vanuatu i klad we wan long ol descendant blong ol pipol blong Vanuatu we ibin ko long Australia long late 1800 from blackbirding, i save kam blong mekem histori long Australia.
Hemi talem se wok blong hem mo late husband blong hem, Eddy Mabo, pipol blong Vanuatu ibin folem gud, we oli bin luk save olsem wanem tufala ibin stuggle from independence, land rait mo soverenti.
Hemi talem se hemi bin save long Late Dokta Mabo long ol pas yia, mo Vanuatu ibin sapotem bid blong Australia i luk save olketa South Seas Islander, olsem wan ethnic grup long Australia.
Hemi talem se legacy blong hem bae i stap mo i reflected long ol achievment we bae i kam.
Dokta Mabo ibin kasemwan hai award long James Cook Universiti ino long taem, olsem wan Honorary Doctor of Letters.
Mo award ia hemi from outstanding kontribusen blong hem long First Nations Peoples and Australia South Sea Islander komuniti advocacy wok.