Palamen blong Vanuatu bai i sitdaon long tedei aftenun blong debatem wan motion we opposition i bin depositim long las manis agensem prime minista mo kavman we i stap naoia.
Kot i bin sitdaon long 29 November blong lukluk long urgent constitutional case ia we opposition nao i filem agensem decision we spika i bin mekem, blong talem se motion i no stap long oda.
Kot i faenem aot se motion ia i stap long oda, mo palamen bai i sitdaon long tedei aftenun blong debatem.
Kavman saed i claim se i gat 33 member blong palamen we oli still affirmem sapot blong olketa long current kavman blong Charlot Salwai Tabimasmas.
Long wan interview we VBTC nius team i bin mekem wetem lida blong opposition, hem tu i claim se opposition tu i gat namba.
Long wan nara nius we i relate, spika blong palamen, Esmon Saimon i adjournem palamen long tedei moning kasem long 4 oklok tedei aftenun. Hemia i folem nomo se stret sista blong Prime Minista i lusum laef blong hem. Spika i talem se bai palamen i adjourn blong ol member blong palamen i save peim respect blong olgeta i ko long hed blong kavman, Charlot Salwai Tabimasmas.