Ol mama blong Emae Island oli stap naoia long Port Vila blong salem ol island kaekae.
Hemi wan privilege blong ol mama blong Emae Island we oli save stap long wik ia long Port Vila, blong salem ol difren island kaekae blong olgeta long Marobe Market aos long Bladinia Estate.
Hemi second taem we kominiti blong Emae i organisem wan tour olsem blong kam long Port Vila blong salem ol lokol produce blong olgeta.
Long tedei moning, VBTC news team i bin stap lomg Marobe Market aos mo witnessem ol mama ia oli stap salem ol produce blong olgeta.
I gat oli difren produce we oli salem olsem Fijian Taro, Kumala, Yam, Banana, Dry Coconut, vegetables, fruits, nuts mo fulap moa.
Chairman blong Fama Association long Emae Island, Kalo Daniel Mariki i talem se ol sale olsem we ol mama oli stap mekem long end blong yia hemi blong help mo preparem olgeta blong save pem skul fee blong pikinini blong olgeta long nekis yia 2019.
Wan woman we hem tu stap salem ol lokol produce blong hem i talem se taem oli stap long island oli faenem i hard blong karem money, be long wik taem oli stap long Vila hemi bikfala ona blong olgeta blong save earnem smol mani.
Ol Mama ia oli bin statem sale blong olgeta long yestedei vnis.