Low rate blong Language, Literacy mo Numeracy hemi wan bigfala isu we i contribute long developmen blong Vanuatu.
I kat plante man long kaontri I nosave how blong read mo write gud from plante oli nogat chanis blong go skul.
Mo from rison ya nao gavman tru long Ministry blong Education mo trening, ilaunchem fes taem eva National Adult Language, Literacy Mo Numeracy strategy mo Implementation plan buk blong 2018-2023 long Melanesian hotel long Port Vila long yersterday.
Plan ya igo blong help blong improvem mo leftemap level blong Language, Literacy mo Numeracy.
I bin kat ol impoten toktok long taem ya, mo wan speaker long taem ya hemi Helen Tamtam olsem Language Specialist mo Vice-Chair blong National Adult LLN working grup.
Mrs Tamtam i highlightem se ikat bigfala nid blong teachim language, mo numeracy long olgeta primary mo secondary skul long kaontri.
Hemi talem tu se i kat nid blong educatem ol gel we oli no kat chanis blong go long sku, from long wei ya bae oli lanem full family blong olgeta.
Mo hemia I nidim sapot blong everyone blong wok tugeta mo go foret.
Tufala we i lonjem plan buk ia hemi Acting Director General blong Ministry blong Education, Bermans Iati mo Director blong Vanuatu Skills Parnership, Fremden Yanhambath.
Plan ia I develop wetem sapot blong gavman blong Australia tru long Vanuatu Skills Partnership.