Gavman blong Vanuatu i mas mekem sua se i kat namba blong singaotem Palemen Seson olsem tedei moning be bae i no dipen long namba blong ol MP blong Oposison saed.
Lida blong Palementri Oposison, Ishmael Kalsakau, i talem toktok ia afta we Opposison i boekotem sekon Odineri Seson blong Palemen tedei moning i mekem se Gavman i nokat inaf namba blong Palemen i save kohed.
Long tedei moning i kat 28 memba blong Palemen i presen mo i kat 2 MPs we oli ko leit afta we Spika blong Palemen i mekem kaonting finis.
Sesen ia bae i sapos blong finis long 19 Disemba, mo bae hemi tokabaut 12 kavman bill.
Insaed long ol bill ia i kat tu Appropriation bill blong kavman, we hemi budget blong kavman blong 2019, we total blong hem i kasem araun 29 BILLION vatu