Ol kantri blong Pasifik region oli key blong muvum tingting i go long Intanasonal Maritime Organaesesen, IMO, blong i nid blong katem daon ol rabis gas o 'grin haos gas', espesli hemia we ol ship oli stap putumaot long environmen.

Folem tingting ia Intanasonal Shipping indastri i stap talem se i nid blong gat moa risej i go blong faenem ol teknology o wei we bambae emi mo effectif o useful, bifo oli save mitim ol target blong IMO long amount mo gas emisen we emi katemaot haf blong ol 2008 level by year 2050.

Mo oli stap askem IMO blong i fundem mo daerektem resej mo monitaring blong ol grin haos gas emission, o ol posen gas we ol ship i stap putumaot.