Ol athlete blong Vanuatu oli stap long wan two dei trial we i stat yestedei mo bai i end today long Korman stadium.

Men tingting behaen long ol trial hemi blong helpem mo preparem olgeta athletes mo tu blong selektem ol athlete blong Vanuatu we bae oli tekem part long Melanesian Games long nekis manis.

Test trial ia i tekem tugeta ol students mo ol athletes long Port Vila, Tafea mo Sanama provins.

Ol disciplin we oli involve i gat Javlin, discuss, long jump, short put, track events mo fulap mo.

Hemi fes taem we Vanuatu i save hostem Melanesian Athletics championship we difren Melanesian kantri mo tu Niu Zealand mo Australia bae oli tekem part long hem.

President blong Athletics Vanuatu, Mr Rex Issachar i talem se Vanuatu bae i hostem namba 7 Melanesian Athletics championship, mo i gat ol narafala kantri olsem Fiji, New Caledonia mo Solomon i hostem vnis be long tis yia hemia taem blong Vanuatu.

Hemi talem se bai i gat tu yut Olympic trial blong umi long Oceania blong save preparem umi from U18 yut Olympic game we bai i stap long Argentina long yia ia.

Head coach blong athletics blong team Vanuatu long Melanesian game ia, Mr David Benjamin, i talem se team i stap tren mo priperem olgeta finis blong save pat long impoten event ia.