Afta 37 yia blong Independence mo plante ia blong krae from rabis kondisen blong mein rod blong olgeta, ol pipol blong Eratap oli hapi long luk se ol Bisnisman mo kavman i save helpem olgeta.

Hemi toktok blong Kalfau Kalsong, wan tribe leada blong vilij blong Eratap. Hem i talem se oli luk ol gudfala rod i go long ol nara vilij raon long Efate, be olgeta oli stap.

Yestedi i lukim pablik woks dipatmen i stap blong putum kolta long rod igo long vilij blong olgeta. Afta we bisnisman, Sondrin i bin kliarm mo stretem gud white rod we i bin stap.

Mr Kalsong i expresem gladhat blong hem mo ol famli long Eratap vilij mo pasem tankiu blong olgeta i go long olgeta konsen.

Hemi talem se ol bubu, papa, ol man kam mo ol stret man Eratap oli krae from rod ia long taem vnis mo oli hapi blong luk wan bisnis man i kam blong spendem own mani blong hem mo ol facilities blong hem blong save stretem gud rod ia bifo kavman thru long ministri blong pablik woks i kam blong putum kolta long hem.

Mr Kalsong i talem se hemi wan bikfala achievement long full vilej blong Eratap.