Vanuatu bae i kompit long New Zealand Open long end blong manis ia.
Defending champion blong Oceania Championship, Miller Pata mo Sheresyn Toko bae i reprisentem kantri long wan wik bij volibol kompetisen ia.
Tufala bij volibol pleia i bin spell blong samfala wik mo bae oli statem bak trening long tumoro moning from impoten intanasonal tunamen ia.
Fulap tim blong difren kantri i rejista long New Zealand Open mo ofisel dro blong hem bambae i kamaot i no longtaem.