Ol Yangfala blong Port Olry long Santo, oli kam tugeta long start blong yia ia, mo pass long wanwan home blong wishim HAPPY New Year long ol 4fala Priest blong Catholic Mission blong Port Olry.
Hemi festaem we Sainte Anne Youth i kam tugeta, wetem gudfala tingting ia, mo semtaem askem Peace i stap oltaem long wanwan home blong evri memba blong Komuniti blong Port Olry.
President blong Sainte Anne Youth, Jeffry ALGUET i talem se i no izi blong evriwan i kam tugeta, be from gudfala sapot long lidaship blong hem i mekem oli tekem since namba 1 January 2019 blong oli mekem "Bonne ANNÉE" i ko long evri Home long Full Village blong Port Olry.
Mr ALGUET i talem se "BONNE ANNÉE" long villgae blong Port Olry i gohed bakeken long full wik ia, mo bambae oli klosem nao long sandei wiken ia.
Wan Jif blong Port Olry, Jif Jean René Takataveti i talem se "BONNE ANNÉE" long ol home hemi shoem hapiness, mo hemi enkarejem evriwan blong stanap strong oltaem long ol faith blong olgeta.