16 yut blong Torba province bambae oli save gat opotuniti blong joinem polis fos.

Ministry blong Youth mo Sport Developmen i ripotem se i gat 2 polis ofisa we oli bin go long Sola long Vanualava blong kondaktem ol intaviu mo ol test blong karem sam potential polis ofisa.

Akodding long Yut Spot mo Developmen ofisa long Sola, ol polis ia i selektem samples 16 yangfala we bambae oli travel i kam long Vila blong go tru long moa trening long Vanuatu Polis Kolej.

Long ol 16 yangfala ia, 7 oli ol yang man, mo 9 oli ol yang woman.