Kot hemi sentem wan man i ko long kalabus from fasin blong faitem patna blong hem taem hemi bin stap wok long Havannah resort long Efate.

Kot hemi talem se ol kind man olsem oli no kat raet blong live long community mo oli mas sentem olketa iko long presin.

Long sentens blong justice David Chetwynd hemi talem se Greg Kalkaua bae hemi ko long kalabus blong 22 manis or 1 yia mo 9 manis from hemi tretenem blong kilim ded patna blong hem mo physically faitem hem taem hemi bin stap long wok.

Justice Chetwynd hemi talem se mama blong kel ya hemi ron ikam blong stopem hem be hemi wantem killim hem tu long taem ya.

Kot hemi talem se iven papa blong Kalkaua hemi bin ron ikam blong helpem situation, be Kalkaua hemi kross tumas mo stap threatenem hem blong kilim hem.

Hemi talem long sentence blong hem se Greg hemi bin stap wokbaot long naet ya wetem wan akis wetem tingting blong mekem trabol wetem.

Jaj blong Suprim kot ya hemi talem se hemi save se long taem ya Greg hemi bin bonem down reception building blong Havannah Resort be prosecution nao hemi fail blong proofum charge ya long kot, mekem oli aquitim hem long arson.

Police hemi initially chargem man ya long treats to kill, blong faitem nara man mo kivim kil long bodi blong hem, karem weapon long naet mo arson or bonem haus.