Fud sekuriti emi wan namba wan wari naoia afta long ol depresen mo rabis weta long Solomon aelans.
Samples 100,000 pipol long six provins blong kaontri ia oli bin afekted long taim blong 2 wik we i kat plante ren mo strong win.
Direkta blong Nasonal Disasta Manejmen Ofis, NDMO, blong solomon aelan,  Loti Yates, i talem se ofis i stil no karem ful ripot blong situesen blong kaontri, from oli stap wet iet blong karem ripot blong Temotu, Rennell mo Bellona province.
Mr Yates i talem se oli ting se samples 300 kasem 400 haos oli bin damej mo fulap oli stap liv wetem ol family mo frens o oli stap usum ol imejensi shelta kit we Red Cross i bin seremaot.
Naoia Direkta Yates i talem se bigfala isiu naoia emi fud sekuriti from rabis wetha ia i spoilem evri garen blong kakai blong ol pipol ia.
Mo i kat tu situation blong water suplae, hygiene mo sanitation.
Mr Yates i ripotem se gavman blong solomon aelan i stap toktok wetem ol dona patna spos oli save helpem kaontri ia long disasta nid blong hem.