Apil Kot i harem long yestete argument blong Hariette Yatibu we hemi stap naoia long kalabus follem wan accident we hemi bin causem long last yia, hemia long roundabout long Tagabe long Port Vila.

Ol sources inside long kot oli talem se Yatibu hemi bin admitim offence ya se hemi sperem dead wan man Tanna taem hemi fail blong ko around long roundabout blong Tagabe long namba 1 July hemia long last yia.

Ripot long kot i talem se Yatibu hemi bin kam long road blong Mele mo wantem stap ko long airport long wan early moning, mo instead blong ko around long roundabout, hemi katem kros blong mekem short cut long opposit side blong hem mo sperem wan yangfala we hemi finish long nait club mo stap ko home.

Long taem ya Yatibu hemi bin stap drive under long influence blong alcohol.

Yatibu hemi stap servem wan sentence blong 22 manis or 1 yia 10 manis long kalabus, afta we oli convictim hem from offence ya.

Ripot i talem se yestete Yatibu hemi appilim conviction blong hem wetem tingting se bae hemi changem plea blong hem iko long not guilty.

Kot hemi adjournem matta ya iko long Wednesday next wik blong harem appeal ya.

Ol judges we oli stap long kot of appeal i kat Justice John Von Doussa, Chief Justice Vincent Lunabek, Justice Andree Wiltens, Justice Dudley Aru, Justice Oliver Saksak mo Justice Ronald Young.