Namba blong wan bigfala nogud praktis i bin stap gohed kasem tede we i fosem Air Vanuatu blong introdusum ID check blong evri domestic flight start long namba 1 februari 2019.

Start long Friday namba 1 February 2019, AIR VANUATU bae hemi introdusum ol I.D. CHECKS long samfala domestic flight blong hem.

Eniwan we i wantem travel hemi mas presentem wan ID CARD blong hemm, National ID card, driving licence; VNPF card or Passport.

Ol pasenja blong Air Vanuatu we oli fly from Port Vila, Santo mo Tanna oli mas prisentem wan ID Pass taem oli stap chekin.

Hemi wan niufala policy we bae oli start blong usum fastaem long Port Vila, Santo mo Tanna, mo bambae oli enfosem long evri airport.

National Airline i bin notisim plante case blong ol adult we oli stap travel tru long fare blong ol pikinini mo i kat bigfala impact long ol cost mo revenue blong Air Vanuatu.

Chief Executif Ofisa blong Air Vanuatu, Derek NICE i talem se Airline i bin notifaem ol pasenja long Sales Counter, mo tru long Media mo semtaem provaedem information blong olsem wanem blong apply from wan free identification.

Ol pikinini we yia blong olgeta i start long 11 i ko antap, bambae oli mas kat ol ID blong olgeta blong travel.

Mr Derek Nice i talem tu se hemi wan worldwide standard long saed blong aviation blong kat ol ID photo, from hemi gud blong safety, security mo revenue best practise.