Praem Minista i talem se tim blong gavman, pablik woks mo eapot Vanuatu Limited oli mas wok long disaen blong niufala rod mo niufala teminol blong Bauerfiled Intanasenal eapot long Port Vila.
Charlot Salwai Tabimasmas, i talem se hemi nid blong openem nara rod we i ko long Bauerfield eapot folem hevi trafik long kapitol tedei.
Mr Salwai i talem se niufala rod ia bae i ko insaed long niufala teminol we bambae gavman blong Vanuatu i bidim.
Disaen blong hem blong niufala teminol ia oli finisim finis be i wet blong fanalasem fanding blong hem.
Hemi talem se niufala teminol mo niufala rod hemi pat blong apgred blong Bauerfield Intanasenol eapot we oli wok long hem tedei.