Vanuatu Cooperative Business Network, VCBN  i stap ko hed wetem wan long ol mein wok blong hem, blong pem ol fresh produce long ol lokol fama tru aut long kantri, mo salem bagegan.
General Maneja blong VCBN, Jack Loughman i talem se anda long network ia, bae oli salem ol local prodak ia long niufala market house we oli bildim long forma Cooperative Federation,  long road we i lid ko long Port Vila International Airport.
Market haos ia, oli bin disaenem blong pemaot ol fresh produce stret long ol fama long ol nara aelan blong Vanuatu,  mo shipim olgeta i kam stret long Port Vila blong salem olgeta.
Daerekta Jenerol blong Ministri blong Trade, Roy Micky Joy i welkamem niufala fasiliti ia, mo hemi talem se hemi wan wei blong kat daun or stopem ol imported fresh kakai we i kam ovasi.