Minista blong Internal Afea, Andrew Napuat i talem se hemi no saspendem iet Penama Provinsial kavman kounsel.
Minista Napuat i talem se hemi kat intensen blong saspendem provinsial kounsel ia, folem allegation se ol aktiviti we provins ia i stap mekem, hemi stap mekem without stret consultation wetem Minista.
Be kasem naoia hemi no mekem eni aksen iet.
Long nara nius we i relate, preparation long relocation blong Penama Provincial Council long Island blong Pentecost i stap gohed gud naoia.
Ol communities raun long area blong Loltong oli stap wok vinis blong clearem road kasem long ples we relocation bai i stap long hem.
I gat lukluk tu blong renovetem ol building long Amagilua, ples we reloctaion bai i stap long hem.