Wetaem kavman bae i adresem situesen blong pipol blong Ambrym, Aneityum tsunami victim mo ol seves blong kavman i go bak long Ambae aelan ?
Hemi kwesten we pipol i continue askem naoia afta we Kaonsel blong ol Minista i mit long las manis be desisen blong hem konsenem situesen blong trifala aelan ia i no kamaot pablik.
Nomata long ol komplen ia be Nasonal Disasta Manejmen Ofis [NDMO] long Port Vila i mekem i klia se Kaonsel blong Minista i lukluk long ol big isiu nomo be operesen blong disasta riliv i stap gohed nomol.
Peter Korisa olsem NDMO operesen maneja i explenem moa.