Wan intanasonal bij volibol koj bambae i kam helpem olketa nasonal bij volibol pleia blong Vanuatu blong oli redi blong kompit long ol rejinol mo intanasonal kompetisen.

Hemi Michel Bergmann blong Germany mo hemi no niu blong trenem ol lokol bij volibol pleia mo involve long yut divelopmen prokram.

Michel Bargmann i bin kam wok long Vanuatu blong 3 manis las yia mo Vanuatu Volleyball Federation i bin aplae i go long International Volleyball Federation [FIVB] blong oli extendem kontrak blong hem.

Foma profesonal Germany volibol pleia ia bae i kasem kantri i no longtaem mo bambae hemi priperem tim blong Pacific Games long Samoa mo olketa we bae oli part long nara intanasonal kompetisen.

Long saed blong aotrij mo divelopmen prokram bambae hemi kivhan long hem tu from hemi gat plante save blong tijim plei bij volibol long ol yangfala.