Ministry blong Education mo Trening thru long Tijing Service Commission, TSC i no happy long some allegation we i kamaot long social media mo ol media outlet about issue blong wan principal we i kat allegation se hemi mekem problem long two student.
Chairman blong Tijing Sevis Comisen, Joseph Timatua i talem se, fasin we ol media outlet mo social media i pucblicly putumaot wan kaen issue olsem hemi spolem reputation blong wan tija or principal olsem wan tija, papa mo lida blong community.
Mr Timatua i talem se, ol Tija oli kat ol normal disciplinary procedure blong folem blong complitim wan investigation long wan issue olsem, be i no blong putumaot taem i gat investigation i stap gohet yet.
Mr Timatua i talem se, Ministry blong Education mo Trening tru long skul base management i ricivim vinis wan formal ripot we police i submitim.
Mo from hemi wan mather blong natural justice, Ministry i mas karem saed story blong Principal mo victim.
Mr Timatua i confirmem se, naoia investigation i stap go yet mo Tijing service commission bod i no mekem yet wan final disisen over long issue ia.
Ministry blong Education mo Trening wetem TSC i stap mekem call i go long ol media outlet mo social media se, any time we wan kaen issue olsem i raise, oli mas wet kasem taem we Tijing service commission i mekem final decision long hem.