Hemi fastaem blong Vanuatu Mobile Force (VMF) I ricivim Cheif blong Defence Force blong Australia, General Angus J. Campbell long yestedei long VMF Camp long Port Vila.
Visit blong General Angus J. Campbell i kam long Vanuatu i folem nomo official visit blong prime Minister blong Australia i kam long Vanuatu long last wik.
VBTC News i understanem se, coming blong Mr Campbell long Cooks Barracks, i folem nomo Relationship blong Australian Defence Force wetem VMF long ol past yia kasem tedei we kavman blong Australia i continue blong sapotem defence force blong Vanuatu.
Long yesterdei i kat seremoni blong laying blong foundation stone blong two wok we kavman blong Australia bae i kivim mane from.
Tufala wok ia, hemi niu fanis blong Cooks Barracks, mo ol new building insaet long Camp.
Vbtc news i kasem information se, wok blong buildim new fanis round long Cooks Barrak, i shud stat long 2 wik taem.