Kavman thru long Ministri blong Internal Affairs i identifyem vinis two niu kampani we bai i printem passport blong kantri.
Minista blong Internal Affairs, Andrew Napuat i confemem wetem VBTC nius se Ministri i lukluk vinis tufala kampani ia, gat ol negotiation i stap ko hed wetem tufala, bifo oli apruvum tufala kampani ia.
Hemi talem se Ministri i bin mekem sam investigation long kampani we ibin stap printem ol passport blong Vanuatu, mo i faenem aot se kampani ia i stap long process blong bankrupt.
Mr Napuat i talem se Vanuatu i ran aut long passport long 2 taem finis, sins hemi tekem ap ofis olsem Minista responsible long ofis blong passport.
Mo hemi mekem decision blong tekem nara kampani blong printim ol passport blong Vanuatu.