Police hemi stap investiketem dead blong wan kel naoia afta we ol family blong oli faenem hem i ded long yestete moning klosap long house blong olketa lo Etas Area.

Polis hemi talem se kel ya oli karem hem i ko long hospital yestete long moning mo semtaem tu oli pronounsem dead blong hem.

Police hemi talem se kel ya hemi kat around 6 yia mo lukluk i stap se oli bin repem hem bifo hemi oli kilim ded hem be oli stap investiketem kes ya naoia.

Polis i talem se papa blong kel ya hemi stap finis wok long 11 oklok long naet mo taem hemi finis wok long bifo yestete hemi kasem house hemi faenem se smol kel ya ino stap long bed blong hem.

Oli talem se long taem ya every memba blong family oli silip finis mo long moning oli lukaotem hem olbaot mo faenem body blong hem around 3 to 4 kilomita away long house blong olketa.

Oli confirmem se oli no arrestem or chargem any man yet in relation long attack ya.

Police hemi stap askem ol man long Etas blong leko issue ya i stap long hand blong ol authorities concern mo askem any man we hemi kat any hint we i save lead iko long sam gudfala information blong kam toktok long olketa long police station.

Police hemi talem se kel ya hemi blong Tanna mo hemi stap live long Etas wetem family blong hem.