I kat posibiliti se ol skul pikinini blong Ambae bambae oli exempt long skul fi bakegen long yia ia, 2019.
Long las yia kaonsel blong ol minista i mekem ol skul pikinini i no pem skul fi from nomo se oli nokat risos blong enem mani blong mitim ol skul fi.
Minista blong Edukeson mo Trening, Jean Pierre Nirua, i anaonsem long ol pipol blong North Ambae long yestedei long Freswota 5 long Port Vila, se hemi bin instraktem Darekta jenerol blong ministri blong priperem wan pepa blong i ko long DCO mo kaonsel blong ol minista.
Mr Nirua i talem se Ministri blong Edukeson tru long ofis blong Darekta Jenerol blong toktok wetem Nasenal Disasta Manejmen abaot posibiliti blong skul exempson blong ol skul pikinini blong ol pipol we oli liv long Ambae.
Hemi talem sori tu long foret blong ol pipol blong North Ambae yestedei from sam disison we gavman ibin tekem mo i afektem ol pipol blong Ambae.