Long Fiji, konstraksen wok long niu gym blong Fiji Football Association Academy long Vatuwaqa long Suva, bae i stat long end blong nekis manis.
Jif Executive Ofisa blong Fiji football association, Mohammed Yusuf i talem se niu gym ia bae hemi international standard.
Yusuf i talem se mane blong bildim niu gym ia hemi araun 700 tausen dola, mo hemi pat long FIFA projek blong yia ia.
Hemi talem se gym ia bae i kat latest technology, mo ol shower rum, ofis, mo fisiotherapi room.
Mo bae oli openem blong pablik i save usum, blong Fiji football i save mekem mane long hem.
Wok i shud finis long niu gym ia bifo end blong yia ia.