Vanuatu bambae i hostem namba 11 Pacific Francophone Forum long manis august yia ia 2018.

Akting Praem Minista mo semtaem Minista blong la Francophonie, Hon. Jean Pierre NIRUA i saenem wan niufala convention yestde blong Niu Kaledonia mo Vanuatu i organisem gud next Pacific Forum long Port Vila.

Akting praem minista Nirua i saenem agrimen ia long wik ia long Port Vila wetem Minista blong la Francophonie blong Gavman blong Niu Kaledonia, Mr Bernard DELADRIERE.

Akting Praem Minista NIRUA i talem se Gavman blong Vanuatu i glad blong save hostem namba 11 Pacific Pacific Forum long yia ia.

Mr NIRUA i talem se Gavman i apointem wan Pilote Komiti blong lukluk long organisation blong Vanuatu i save hostem namba 11 Pacific Francophone Forum.

Tufala person we i stap long pilote komiti ia, i kat Georges CUMBO, Delegue General blong Alliance Française we hemi riprisentem France mo Niu Caledonia, mo wetem Gaetan RURU olsem National Correspondant blong "Organisation Internationale de la Francophonie".

Niu Kaledonia i bin hostem namba 10 Pacific Francophone Forum last yia 2017 long Niu Kaledonia.