Praem Minista blong Solomon aelan, Rick Hou i talem se kantri blong hem i stap luk forward blong atraktem 60-tausen visita long everi yia by yia 2025.
Mr Hou i talem se tourism bae i help leftemap ekonomi blong kantri ia, afta we forestri mo mining we ibin stap help bikwan long ekonomi blong kantri ia, level blong tufala iko daun.
Hemi talemaut toktok ia long wan tourism program we oli lonjem long Honiara long manis ia.
Mr Hou i talem se mane we tourism i mekem long ol yia we iko, hemi bikwan, mo i helpem ekonomi by 12 million amerikam dola.
CEO blong Tourism Solomons, Josefa Tuamoto i talem se blong Solomon aelan i achievem 60-tausen visita long wan yia, hemi nid blong addresem isu blong accomodation.